Ang Paglilingkod na itinakda ng Diyos

Ang Paglililngkod na Itinakda ng Dios

Pananagutan ng tao ang paglingkuran ang Dios , bilang siya ang ating manlalalang, gaya ng nakasulat sa banal na kasulatan.

Mga Awit, 100:2 - Mangaglingkod kayo na may kasayahan sa Panginoon; magsilapit kayo sa kaniyang harapan na may awitan

Mga Awit, 100:3 - Alamin ninyo na ang Panginoon ay siyang Dios; siya ang lumalang sa atin, at tayo'y kaniya: tayo'y kaniyang bayan, at mga tupa ng kaniyang pastulan.

Subalit nagkaroon ng maling pagkaunawa ang ilan, tungkol sa ipanahayag ng Biblia na pananagutang ito ng tao, sapagkat ayon sa kanila hindi na mahalaga kung aling relihiyon o Iglesia ang kinaaniban ng tao sapagkat iisa lang naman daw ang Dios na ating pinaglilingkuran at ang mahalaga daw ay makapag-lingkod ang tao sa Dios. Totoo nga ba ang ganitong isipan ?

Kumuha tayo ng halimbawa ng mga naglingkod sa Dios noong unang panahon, na hindi kinalugdan ng Dios.

Genesis, 4:3Dumating ang panahon na si Cain ay naghandog sa Panginoon ng ani niya sa bukid.

Genesis4:4 Kinuha naman ni Abel ang isa sa mga panganay ng kanyang kawan. Pinatay niya ito at inihandog ang pinakamainam na bahagi. Ang Panginoon ay nasiyahan kay Abel at sa kanyang handog,

Genesis4: 5 ngunit hindi niya kinalugdan si Cain at ang handog nito. Dahil dito, hindi mailarawan ang mukha ni Cain sa tindi ng galit.

Dapat nating mapansin na katutubong pananagutan na ng tao ang maglingkod sa Dios, katunayan si Abel at si Cain na anak nila Eba at Adan ay parehong  naglingkod sa Dios noon,ngunit kapansin pansin na yung paglilingkod na ginawa ni Abel ang siya lamang na kinalugdan ng Dios samantalang ang ginawang paglilingkod ni Cain ay hindi kinalugdan ng Dios. Kaya pinatutunayan ng Biblia na hindi lahat ng paglilingkod ng tao ay tinatanggap ng Dios.

Ang Dios ay may  palatuntunan sa mga isinasagawang paglilingkod ng tao sa kanya, basahin natin ang nakasulat sa Banal na kasulatan .

Deuteronomio, 12:13 - Magingat ka na huwag mong ihahandog ang iyong handog na susunugin sa alinmang dakong iyong makikita:

Deuteronomio, 12:14 - Kundi sa dakong pipiliin ng Panginoon sa isa sa iyong mga lipi ay doon mo ihahandog ang iyong mga handog na susunugin, at doon mo gagawin ang lahat na aking iniuutos sa iyo.

Ayon sa talata ng Biblia, pinatutunayang sa simula pa lang ay may patakaran na ang Dios kung paano siya paglilingkuran, at iyon ay marapat lang na sundin ng tao sapagkat ang Dios ang ating pinaglilingkuran   at  siya rin ang dapat na masunod. Hindi maari na tayong mga tao ang masunod sa paraan ng ating paglilingkod.

Ano rin ang patotoo ng Biblia  sa panahong ng mga apostol na patungkol sa mga paglilingkod ng tao na hindi sang-ayon sa mga aral ng Dios at  aling aral ang kanilang sinusunod?

Mateo, 15:9 - Datapuwa't walang kabuluhan ang pagsamba nila sa akin, Na nagtuturo ng kanilang pinakaaral ang mga utos ng mga tao.

Tiniyak ng banal na kasulatan na hindi lahat ng pagsamba na ipinapatungkol ng tao sa Dios ay tinatanggap nya,  at iyon ay kung ito ay nakabatay lang sa aral ng mga tao.

Paano ipinaliwanag ng Biblia kung bakit hindi nakasusunod ang tao sa tamang paglilingkod sa ating Panginoong Dios? 

Mga Taga-Roma, 10:2 - Sapagka't sila'y pinatotohanan ko na may mga pagmamalasakit sa Dios, datapuwa't hindi ayon sa pagkakilala.

Mga Taga-Roma, 10:3 - Sapagka't sa hindi nila pagkaalam ng katuwiran ng Dios, at sa pagsusumakit na maitayo ang sariling kanila, ay hindi sila napasakop sa katuwiran ng Dios.

Ayon sa ipinahayag ng Biblia ang tao ay totoong may pagmamalasakit sa gawang paglilingkod subalit sa hindi nila pagkaalam ng katwiran ng Dios at nagsumikap na masunod ang kanilang sariling kaparaanan ay hindi sila nagpasakop sa katwiran ng Dios.

Alamin natin, ano ba ang ipinag-uutos ng Dios sa tao upang maging kalugod lugod sa harap ng DIOS ang ating paglilingkod,ganito ang nakasulat sa banal na kasulatan ating basahing muli ang Awit 100:2 -4.

Mga Awit, 100:2 - Mangaglingkod kayo na may kasayahan sa Panginoon; magsilapit kayo sa kaniyang harapan na may awitan

Mga Awit, 100:3 - Alamin ninyo na ang Panginoon ay siyang Dios; siya ang lumalang sa atin, at tayo'y kaniya: tayo'y kaniyang bayan, at mga tupa ng kaniyang pastulan.

Mga Awit, 100:4 - Magsipasok kayo sa kaniyang mga pintuang-daan na may pagpapasalamat, at sa kaniyang looban na may pagpupuri: mangagpasalamat kayo sa kaniya, at purihin ninyo ang kaniyang pangalan.

Ang sabi ng Dios ay dapat tayong magsipasok sa kanyang mga pintuang daan at doon tayo ay magpasalamat at magpuri sa Kanyang pangalan.

Ano ang pintuang daan na tinutukoy ng Dios na dapat pasukan ng mga tao? Ating basahin ang isa pang talata na tumutukoy sa daan na kailangang pasukan ng tao.

Jeremias, 6:16 - Ganito ang sabi ng Panginoon, Magsitayo kayo sa mga daan at magsitingin kayo, at ipagtanong ninyo ang mga dating landas, kung saan nandoon ang mabuting daan; at magsilakad kayo roon, at kayo'y mangakakasumpong ng kapahingahan sa inyong mga kaluluwa...
                        
Ayon sa talata, ang daan na tinutukoy ng Diyos ay ang mabuting daan na ipinahahanap sa atin ng Dios upang doon ay magsipasok ang tao at  makasumpong ng kapahingahan ang ating kaluluwa.

 Tanungin natin ang Biblia kung saan naroon ang mabuting daan ?

Juan, 14:6 - Sinabi sa kaniya ni Jesus, Ako ang daan, at ang katotohanan, at ang buhay: sinoman ay di makaparoroon sa Ama, kundi sa pamamagitan ko.

Ang sabi ng ating Panginoong Hesukristo siya ang daan at katotohanan, samakatwid ang mabuting daan na kung saan ipinagutos ng Dios na dapat pasukan ng tao ay walang iba kundi ang atin mismong Panginoong Jesus, siya ang mabuting daan sapagkat ang sabi ng talata, siya ang tanging daan upang ang tao ay makarating  sa piling ng Dios.

Ano rin ang ipinag uutos ng Panginoong Jesus sa mga tao upang ang tao ay maligtas.

Juan, 10:7 - Muli ngang sinabi sa kanila ni Jesus, Katotohanan, katotohanang sinasabi ko sa inyo, Ako ang pintuan ng mga tupa.

Juan, 10:9 - Ako ang pintuan; ang sinomang taong pumasok sa akin, ay siya'y maliligtas, at papasok at lalabas, at makasusumpong ng pastulan.

Ang sabi ng Panginoong  Hesukristo na Siya ang pintuang dinaraanan ng mga tupa. At ang mga tunay na sumusunod sa Kaniya ay pumasok sa Kaniya. Subalit alam nating hindi literal ang kahulugan nun sapagkat hindi naman magkakasya sa literal na katawan ni Cristo ang mga tupa. Isa pa, nasa langit na si Cristo. Kaya ang tanong, saan pala napaloob ang mga tupang pumasok kay Jesus ? Ganito ang sagot sa isang salin ng Biblia sa parehong talata

"I am the door, anyone who  comes into the fold through me shall be safe." john 10:9 , New English Bible

sa filipino:

"Ako ang pintuan; ang sinumang pumasok sa KAWAN sa pamamagitan ko ay magiging ligtas"

Ang mga pumasok kay Jesus ay napaloob sa KAWAN NG MGA TUPA. Ang KAWAN ayon kay Apostol pablo ay ang Iglesia Ni Cristo: at ito ay nakasulat sa Gawa 20:28 ; sa salin ni Ginoong George Lamsa.

Gawa 20:28 "Ingatan ninyo kung gayon ang  inyong mga sarili at ang buong KAWAN na rito'y hinirang kayo ng Espirito Santo na mga katiwala, upang pakanin ang IGLESIA NI CRISTO na binili niya ng kaniyang dugo"
[ Lamsa Translation]

Paano pinatunayan ng Biblia na kalooban  Mismo ng Dios ang pagpasok sa kawan na walang iba kundi ang  Iglesia ni Cristo na syang tinubos ng dugo ng ating Panginoong Jesus.

Mga Taga-Efeso, 1:9 - Na ipinakikilala niya sa atin ang hiwaga ng kaniyang kalooban, ayon sa kaniyang minagaling na ipinasiya niya sa kaniya rin.

Mga Taga-Efeso, 1:10 - Sa pagiging katiwala sa kaganapan ng mga panahon, upang tipunin ang lahat ng mga bagay kay Cristo, ang mga bagay na nangasa sangkalangitan, at ang mga bagay na nangasa ibabaw ng lupa; sa kaniya, sinasabi ko,

Mga Taga-Efeso, 1:22 - At ang lahat ng mga bagay ay pinasuko niya sa ilalim ng kaniyang mga paa, at siyang pinagkaloobang maging pangulo ng lahat ng mga bagay sa iglesia,

Mga Taga-Efeso, 1:23 - Na siyang katawan niya, na kapuspusan niyaong pumupuspos ng lahat sa lahat.

Ang sabi ng Biblia , ipinasya mismo ng Dios na ang lahat ng mga bagay  sa sangkalangitan ay tipunin sa Iglesia at si Cristo na pinagkaloobang niyang maging pangulo ng lahat ng mga bagay sa Iglesia na kanyang katawan.

Ito ang mga katotohanang patuloy na itinataguyod sa loob ng Iglesia ni Cristo.



Posted via Blogaway

Isang Tunay na Dios

 ISANG TUNAY NA DIYOS


Sino ba ang tunay na Dios? Ang mga  Kristiyano  maging ang mga unang lingkod ng Dios sa bayang Israel ay naniniwala sa iisang Dios (monotheistic ). Sa ating panahon ngayon na bumangon ang ibat ibang relihiyon at paniniwala, karamihan halos sa mga relihiyong ito ay taglay ang pagtuturo at paniniwala sa tinatawag na Trinity.
Ano ba ang paniniwalang ito?

Sa isang aklat na pinamagatang [The Faith of our Fathers, by James Cardinal Gibbons, Page 1]

"In this one God there are three distinct Persons - the Father, the Son, and the Holy Ghost, who are perfectly equal to each other."

Salin sa Filipino: “Sa isang Diyos na ito ay may tatlong magkakaibang Persona – ang Ama, ang Anak, at ang Espiritu Santo, na perpektong magkakapantay sa isa’t-isa.”

Ayon sa aklat na isinulat ng isang cardinal ang isang Dios ay may tatlong magkakaibang persona na binubuo ng Ama , Anak at Espiritu Santo ,na may perpektong pagkakapantay-pantay.

Tanungin natin ang otoridad katoliko, kung ang trinity ay matatagpuan sa banal na kasulatan?   Sa isang aklat na pinamagatang [Systematic Theology, by Augustus Hopkins Strong, page. 304]

"The term 'Trinity' is not found in Scripture [Bible], ... The invention of the term is ascribed to Tertullian." 

 Salin sa Filipino:

 “Ang terminong ‘Trinidad’ ay hindi matatagpuan sa kasulatan (Biblia), …ang pagkakaimbento ng termino ay ipinapalagay na gawa ni Tertulliano.”

 Ayon din sa kanila ang salitang trinity o trinidad ay hindi matatagpuan sa banal na kasulatan at ipinalagay na si tertullian pinanggalingan ng terminong trinidad .

Paano pa ipinaliwanag ng mga pari ang aral na Trinity? Naiintindahan kaya nila ang aral na ito?

"The trinity is a wonderful mystery. No one understands it. The most learned theologian, the holiest Pope, the greatest saint, all are as mystified by it as the child of seven " [Martin J. Scott, S.J., God and Myself, Nihil Obstat: Arthur J. Scanlan, S.T.D., Imprimatur: Joannes Cardinalis Farley, P.J. Kennedy and Sons, 1917, pp. 118-119].


Ayon sa kanila , ang aral ng Trinity ay isang misteryo, walang sinoman ang nakauunawa dito kahit ang mga nakapag-aral ng Biblia, mga santo maging ang mga papa lahat sila ay nahihiwagaan tulad ng isang batang pitong taong gulang.

Ang Iglesia ni Cristo ay hindi kailanman tatanggapin ang  aral tungkol sa trinidad, sapagkat  naniniwala ang Iglesia na ang ang Biblia lamang ang tanging batayan o saligan ng tao sa kanyang pananampalataya at paraan ng paglilingkod sa Dios. Kung wala sa Biblia ay hindi ito kikilalanin ng Iglesia.

Pag-aralan natin ang Biblia sino ba ang Dios at ilan ang itinuturo ng Banal na Kasulatan.


Sa panahon ng mga apostol sino at ilan ang itinuturo nilang Diyos:

 1 Corinto 8:5 “Sapagka't bagama't mayroong mga tinatawag na mga dios, maging sa langit o maging sa lupa; gaya nang may maraming mga dios at maraming mga panginoon;” 

1 Corinto 8:6 “Nguni't sa ganang atin ay may isang Dios lamang, ang Ama, na buhat sa kaniya ang lahat ng mga bagay, at tayo'y sa kaniya; at isa lamang Panginoon, si Jesucristo, na sa pamamagitan niya ang lahat ng mga bagay, at tayo'y sa pamamagitan niya.”
Maliwanag ang turo ng mga apostol, mayroon lamang iisang Dios at yun ay ang Ama at isang panginoon ,si Jesucristo.

Kung ang ating panginoong Jesucristo ang tatanungin sino  rin ang itinuturo niyang Diyos?


Juan, 17:1 - Ang mga bagay na ito ay sinalita ni Jesus; at sa pagtingala ng kaniyang mga mata sa langit, ay sinabi niya, Ama, dumating na ang oras; luwalhatiin mo ang iyong Anak, upang ikaw ay luwalhatiin ng Anak

Juan, 17:3 - At ito ang buhay na walang hanggan, na ikaw ay makilala nila na iisang Dios na tunay, at siyang iyong sinugo, sa makatuwid baga'y si Jesucristo.


Hindi kailanman sinabi o itinuro ng Panginoong Jesus na siya ang Dios, sa halip ay kanyang ipinakilala ang Ama ang kaisa - isang tunay na Dios.

 Kung sa panahon naman ng mga propeta ang ating tatanungin sino rin ang tunay na Diyos na kanilang itinuro?

Malakias, 2:10 - Wala baga tayong lahat na isang ama? hindi baga isang Dios ang lumalang sa atin? bakit tayo nagsisigawa ng paglililo bawa't isa laban sa kaniyang kapatid, na nilalapastangan ang tipan ng ating mga magulang?

Ano rin ang ipinahayag ng unang lingkod ng Dios na si David tungkol sa tunay na Dios.

 2 Samuel 7:22 “Kaya't ikaw ay dakila, Oh Panginoong Dios: sapagka't walang gaya mo, o may ibang Dios pa bukod sa iyo, ayon sa lahat na aming naririnig ng aming mga pakinig.”          
             
Kung ating papansinin, ang mga nagpapatunay na iisa lang talaga ang Dios, ay magkakaiba ng panahon ang pinagmulan subalit iisa ang itinuturo nilang Dios ,at walang iba kundi ang Ama.
 
Kung ang Ama ang tatanungin, mayroon pa ba Syang kinikilalang ibang Diyos?

Isaias, 44:8 - "Kayo'y huwag mangatakot, o magsipangilabot man: hindi ko baga ipinahayag sa iyo nang una, at ipinakilala? at kayo ang aking mga saksi. May Dios baga liban sa akin? oo, walang malaking Bato; ako'y walang nakikilalang iba."

Isaias 45:21 “Kayo'y mangagpahayag, at mangagpasapit; oo, magsanggunian silang magkakasama: sinong nagpakilala nito mula nang mga unang panahon? sinong nagpahayag niyaon nang una? hindi baga ang Panginoon? at walang Dios liban sa akin: isang ganap na Dios at Tagapagligtas; walang iba liban sa akin.”


 Walang ibang Dios ang ipinakilala ng Ama, kundi sya lamang.



Subalit hindi lahat ng tao ay nakarating sa pagkakilala sa tunay na Dios?Na pinatunayan rin nalg banal na kasulatan:

" 1 Mga Taga-Corinto, 8:6 - Nguni't sa ganang atin ay may isang Dios lamang, ang Ama, na buhat sa kaniya ang lahat ng mga bagay, at tayo'y sa kaniya; at isa lamang Panginoon, si Jesucristo, na sa pamamagitan niya ang lahat ng mga bagay, at tayo'y sa pamamagitan niya.

1 Mga Taga-Corinto, 8:7 - Gayon ma'y wala sa lahat ng mga tao ang kaalamang iyan: kundi ang ilan na hanggang ngayon ay nangamimihasa sa diosdiosan, ay kumakain na parang isang bagay na inihain sa diosdiosan; at ang kanilang budhi palibhasa'y mahina ay nangahahawa."

Ito ang ilan sa mga katotohanan na sinasampalatayanan sa loob ng Iglesia ni Cristo at walang sawa na  ipinangangaral sa mga tao sa pamamagitan ng mga malalaking pamamahayag ng mga salita ng Dios.

THANKS FOR READING...