Ang kahalagahan ng Pagsamba sa Dios

Ang kahalagahan ng Pagsamba sa Dios








Photo contributed by : Sis Ionah Aigneis Pascual Buenaflor 


Locale of Panducot, District of Bulacan South


Sa kabila ng mga kahirapan at ibat ibang pagsubok sa buhay na ito ay kapansin-pansin at ipinagtataka ng marami kung bakit ang mga kaanib sa Iglesia ni Cristo ay nakapagtatalaga pa rin sa mga pagsamba kahit na ang karamahihan sa nga kaanib nito ay mga mahihirap lamang. Sa panahon ngayon na laganap ang kahirapan dulot ng mga sakuna at kasamaan, papaanong payapa at buong siglang nakadadalo pa rin ang ang mga Iglesia ni Cristo sa mga araw ng pagsamba?

Bago pa man maging isang ganap na kaanib sa loob ng Iglesia ni Cristo ay tinuturuan muna ito ng mga aral na nakasalig sa bibliya na ito ang ipinatutupad sa loob ng Iglesia, kaya bago pa man nya tanggapin ang banal na bautismo o maging isang ganap na kaanib sa Igleisa ni Cristo ay lubos na syang sumasampalataya sa mga aral ng bibliya na ipinapatupad sa loob ng Iglesia ni Cristo na patuloy pa ring itinuturo sa mga araw ng pagsamba.

Isa sa mga aral na ipinaunawa sa amin ay ang tungkol sa kahalagahan ng pagsamba sa Dios. Ang pagsamba ay isang tungkulin ng lahat ng nilalang ng Dios na lumikha ng lahat ng bagay;

Awit 100:2-3 "Mangaglingkod kayo na may kasayahan sa Panginoon; magsilapit kayo sa kaniyang harapan na may awitan. Alamin ninyo na ang Panginoon ay siyang Dios; siya ang lumalang sa atin, at tayo'y kaniya: tayo'y kaniyang bayan, at mga tupa ng kaniyang pastulan."

Lubos kaming sumasamapalataya na ang Ama ang dakilang manlalalang at tungkulin nating sambahin at paglingkuran Siya, ito ang dahilan kung bakit tayo nabubuhay at nilalang ng Dios. Subalit hindi lahat ng tao ay kumikilala ng lubos sa ating panginoong Dios kaya itinakda sa kanila ang paghihiganti at parusa ng Dios;

2 Tesalonica 1:8-9 "Na maghihiganti sa hindi nagsisikilala sa Dios, at sa kanila na hindi nagsisitalima sa evangelio ng ating Panginoong Jesus: Na siyang tatanggap ng kaparusahan, na walang hanggang kapahamakang mula sa harapan ng Panginoon at mula sa kaluwalhatian ng kaniyang kapangyarihan." 

Pansinin na binabanggit ng Bibliya na "maghihiganti sa hindi nagsisikilala sa Dios" ay hindi lamang tumutukoy sa mga taong hindi nakakikilala sa tunay na Dios o maging ang mga hindi tumatanggap sa DIos kundi pati na rin ang mga taong nakakakilala sa Diyos ngunit hindi niluluwalhati ang Diyos, sila rin ayon sa bibliya ay mga taong hindi nagsisitalima sa mga salita o evangelio ng ating Panginoong Jesus ;

Roma 1:21 "Sapagka't kahit kilala nila ang Dios, siya'y hindi niluwalhati nilang tulad sa Dios, ni pinasalamatan; kundi bagkus niwalang kabuluhan sa kanilang mga pagmamatuwid at ang mangmang nilang puso ay pinapagdilim"

Kung gayon, may mga tao na tinutukoy ang bibliya na kumikilala sa Dios subalit hindi naman lumuluwalhati sa Kanya. Parusa at paghihiganti ang ipagkakaloob ng Dios sa mga taong nagpapahayag ng pagkilala sa kaniya ngunit hindi naman nila Siya niluluwalhati. Isa sa mga paraan na itinuro ng Biblia upang makapagbigay luwalhati sa Diyos ay ang pagdalo sa pagsambang pagtitipon kaya hindi ito dapat na pabayaan ng maga tunay na lingkod ng Dios;

Hebreo 10:25-27 "At huwag kaligtaan ang pagdalo sa ating mga pagtitipon gaya ng ginawa ng ilan, kundi palakasin ang loob ng isa’t isa, lalo na ngayong nakikita nating nalalapit na ang pagdating ng Panginoon." Magandang Balita"

Dapat din nating malaman na hindi rin po lahat ng pagsamba ng tao sa Dios ay karapat- dapat o tinatanggap ng DIos sapagkat ang pagsamba ng iba ay hindi nakabatay sa kung ano ang ipinaguutos ng Dios sa halip ang kanilang sinusunod ay ang mga utos lamang ng tao o mga utos na hindi nakasalig sa banal na kasulatan;

Mateo, 15:9 - Datapuwa't walang kabuluhan ang pagsamba nila sa akin, Na nagtuturo ng kanilang pinakaaral ang mga utos ng mga tao.

At kahit pa buong pagmamalasakit ang gawing pagsamba ng tao sa Dios, kung ito naman ay hindi ayon sa kautusan o kalooban Niya, ay wala itong kapakinabangan sapagkat ang mga gayong paglilingkod ay pansariling kagustuhan lamang ang kanilang nasusunod at hindi kalooban ng DIos;

Mga Taga-Roma, 10:2-3 Sapagka't sila'y pinatotohanan ko na may mga pagmamalasakit sa Dios, datapuwa't hindi ayon sa pagkakilala. Sapagka't sa hindi nila pagkaalam ng katuwiran ng Dios, at sa pagsusumakit na maitayo ang sariling kanila, ay hindi sila napasakop sa katuwiran ng Dios."

Mahalaga po na malaman muna ng tao ang kautusan o palatuntunan ng Dios bago siya magsagawa ng paglilingkod at pagsamba na gaya ng itinuturo noon ng bibliya;

Deuteronomio, 12:13- 14 Magingat ka na huwag mong ihahandog ang iyong handog na susunugin sa alinmang dakong iyong makikita: Kundi sa dakong pipiliin ng Panginoon sa isa sa iyong mga lipi ay doon mo ihahandog ang iyong mga handog na susunugin, at doon mo gagawin ang lahat na aking iniuutos sa iyo.

HIndi po basta na lang makapagsasagawa ang tao ng paglilingkod ng hindi ayon sa palatuntunan ng DIos, kaya alamin natin kung ano ba ang ipinag-uutos ng Dios sa tao upang maging kalugod lugod sa harap Niya ang ating gagawing paglilingkod, ganito ang nakasulat sa banal na kasulatan;

Mga Awit, 100:2-4 "Mangaglingkod kayo na may kasayahan sa Panginoon; magsilapit kayo sa kaniyang harapan na may awitan. Alamin ninyo na ang Panginoon ay siyang Dios; siya ang lumalang sa atin, at tayo'y kaniya: tayo'y kaniyang bayan, at mga tupa ng kaniyang pastulan. Magsipasok kayo sa kaniyang mga pintuang-daan na may pagpapasalamat, at sa kaniyang looban na may pagpupuri: mangagpasalamat kayo sa kaniya, at purihin ninyo ang kaniyang pangalan."

Ang sabi ng Dios ay dapat tayong magsipasok sa kanyang mga pintuang daan at doon tayo ay magpasalamat at magpuri sa Kanyang pangalan. Ano ang pintuang daan na tinutukoy ng Dios na dapat pasukan ng mga tao? Ating basahin ang isa pang talata na tumutukoy sa daan na kailangang pasukan ng tao.

Jeremias, 6:16 - Ganito ang sabi ng Panginoon, Magsitayo kayo sa mga daan at magsitingin kayo, at ipagtanong ninyo ang mga dating landas, kung saan nandoon ang mabuting daan; at magsilakad kayo roon, at kayo'y mangakakasumpong ng kapahingahan sa inyong mga kaluluwa...

Ayon sa talata, ang daan na tinutukoy ng Diyos ay ang mabuting daan na ipinahahanap sa atin ng Dios upang doon ay magsipasok ang tao at makasumpong ng kapahingahan ang ating kaluluwa.

Tanungin natin ang Biblia kung saan naroon ang mabuting daan ?

Juan, 14:6 - Sinabi sa kaniya ni Jesus, Ako ang daan, at ang katotohanan, at ang buhay: sinoman ay di makaparoroon sa Ama, kundi sa pamamagitan ko.

Ang sabi ng ating Panginoong Hesukristo siya ang daan at katotohanan, samakatwid ang mabuting daan na kung saan ipinagutos ng Dios na dapat pasukan ng tao ay walang iba kundi ang atin mismong Panginoong Jesus, siya ang mabuting daan sapagkat ang sabi niya, siya ang tanging daan upang ang tao ay makarating sa piling ng Dios.

Ano naman ang ipinag uutos ng Panginoong Jesus sa mga tao upang ang tao ay maligtas.

Juan, 10:7;9 - Muli ngang sinabi sa kanila ni Jesus, Katotohanan, katotohanang sinasabi ko sa inyo, Ako ang pintuan ng mga tupa. Ako ang pintuan; ang sinomang taong pumasok sa akin, ay siya'y maliligtas, at papasok at lalabas, at makasusumpong ng pastulan.

Ang sabi ng Panginoong Hesukristo na Siya ang pintuang dinaraanan ng mga tupa. At ang mga tunay na sumusunod sa Kaniya ay kailangang pumasok sa Kaniya. Subalit alam nating hindi literal ang kahulugan nun, kaya alamin natin kung saan nga ba napaloob ang mga taong pumasok kay Jesus ? Ganito ang sagot sa isang salin ng Biblia sa parehong talata


English translation:

"I am the door, anyone who comes into the fold through me shall be safe." john 10:9 , New English Bible

sa filipino:

"Ako ang pintuan; ang sinumang pumasok sa kawan sa pamamagitan ko ay magiging ligtas"

Ang mga pumasok kay Jesus ay napaloob sa KAWAN NG MGA TUPA. Ang KAWAN ayon kay Apostol pablo ay ang Iglesia Ni Cristo: at ito ay nakasulat sa Gawa 20:28 ; sa salin ni Ginoong George Lamsa.

Gawa 20:28 "Ingatan ninyo kung gayon ang inyong mga sarili at ang buong KAWAN na rito'y hinirang kayo ng Espirito Santo na mga katiwala, upang pakanin ang Iglesia ni Cristo na binili niya ng kaniyang dugo"
[ Lamsa Translation]

Paano po ba pinatunayan ng Biblia na kalooban din mismo ng Dios ang pagpasok sa kawan na walang iba kundi ang Iglesia ni Cristo na syang tinubos ng dugo ng ating Panginoong Jesus. Ganito po ang paliwanag ng bibliya;

Mga Taga-Efeso, 1:9-10; 22-23 - "Na ipinakikilala niya sa atin ang hiwaga ng kaniyang kalooban, ayon sa kaniyang minagaling na ipinasiya niya sa kaniya rin. Sa pagiging katiwala sa kaganapan ng mga panahon, upang tipunin ang lahat ng mga bagay kay Cristo, ang mga bagay na nangasa sangkalangitan, at ang mga bagay na nangasa ibabaw ng lupa; sa kaniya, sinasabi ko, At ang lahat ng mga bagay ay pinasuko niya sa ilalim ng kaniyang mga paa, at siyang pinagkaloobang maging pangulo ng lahat ng mga bagay sa iglesia, Na siyang katawan niya, na kapuspusan niyaong pumupuspos ng lahat sa lahat."

Ang sabi ng Biblia , Ito ay kalooban at ipinasya mismo ng Dios na ang lahat ng mga bagay sa sangkalangitan ay tipunin sa Iglesia at si Cristo na pinagkaloobang niyang maging pangulo ng lahat ng mga bagay sa Iglesia na kanyang katawan.

Isa lamang ito sa mga katotohanang patuloy na itinataguyod sa loob ng Iglesia ni Cristo at ang mga katotohanang ding ito ang dahilan ng aming walang sawang pagtatalaga sa mga gawang pagsamba sa Dios sapagkat ito ay hinahanap ng Dios sa kanyang mga tunay na lingkod.

Juan, 4:23-24 "Datapuwa't dumarating ang oras, at ngayon nga, na sasambahin ng mga tunay na mananamba ang Ama sa espiritu at katotohanan: sapagka't hinahanap ng Ama ang mga gayon na maging mananamba sa kaniya. Ang Dios ay Espiritu: at ang mga sa kaniya'y nagsisisamba ay kinakailangang magsisamba sa espiritu at sa katotohanan."

Ang mag tunay na lingkod ay ang mga sumunod sa utos ng Dios na pumasok sa mabuting daan na walang iba kundi ang ating panginoong Jesucristo. Ang Kawan o Iglesia ni Cristo na kinapapalooban ng mga taong pumasok sa pamamagitan ni Cristo ang siyang tinubos ng kanyang dugo. Kaya anoman ang maging kalagayan ng mundo, dumanas man kami ng maraming pagsubok at pag uusig at mga kapighatian, kami ay hindi tatalikod sa mga gawang paglilingkod sa Dios, sapagkat lubos kaming sumasampalataya na ang aming mga pagsamba ay hindi walang kabuluhan sa harap ng Dios, ito ang aming pag asa sa ikapag tatamo ng buhay na walang hanggan at habang naglalakbay pa kami sa mundong ito ay sa pagsamba lamang ipinagkakaloob ng Dios ang kanyang pagpapala at pagtulong sa panahon ng mga kahirapan.

2 Cronica 20:9 "Ang sabi nila’y kung darating sa kanila ang sakuna tulad ng pagdidigmaan, baha, pagkakamatay o taggutom, papasok sila sa Templong ito upang sumangguni sa iyo sapagkat narito ka, Yahweh. Tatawag sila sa iyo at iyong diringgin; sa panahon ng kanilang kagipita’y ililigtas mo sila." - Magandang Balita

Pagkakaisa sa pagboto, inimbentong aral lang ba ng Iglesia Ni Cristo?

Pagkakaisa sa pagboto, inimbentong aral lang ba ng Iglesia Ni Cristo?




Totoong napakalapit na ng eleksyon at totoo rin na ang mga pulitiko ay labis ang pagsisikap ngayon na makuha ang suporta ng mga botante. Ibat ibang paraan ng panunuyo, paninira laban sa kapwa kandidato, panunulsol, pandaraya at krimen, ilan lang Ito sa mga masamang gawain na totoong nangyayari sa panahon ng pamumulitiko. Nakalulungkot lang na isipin na maging ang mga tagasuporta ng bawat kandidato ay kanya kanya din ang bangayan, lalu na sa social media. Bunga ang mga Ito ng pagkakabahabahagi o pagkakaroon ng pagkakampi kampi.

Ito ang hindi dapat makita sa mga tunay lingkod ng Dios. Ang pagboto tuwing eleksyon ay batas ng pamahalaan na dapat sundin ng bawat mamamayan. Ang Iglesia ni Cristo ay sinusunod ang batas tungkol dito ,subalit ginagawa namin Ito ng may pagkakaisa.

2 Pedro 2:13 “Kayo'y pasakop sa bawa't palatuntunan ng tao alangalang sa Panginoon: maging sa hari , na kataastaasan; O sa mga gobernador, na sinugo niya sa panghihiganti sa nagsisigawa ng masama at sa kapurihan ng nagsisigawa ng mabuti.”

Bilang pagsunod sa utos ng Dios na magpasakop tayo sa pamahalaan o gobyerno kaya kami ay bumuboto ngunit kasabay nito ay ang lalung  pagsunod namin sa patakaran o kautusan ng Dios na ang lahat ng bagay na aming gagawin ay gawin sa pangalan ng Panginoong Jesucristo sa ikalulugod ng Dios.

Mga Taga-Colosas 3:17
"At anomang inyong ginagawa, sa salita, o sa gawa, gawin ninyong lahat sa pangalan ng Panginoong Jesus, na nagpapasalamat kayo sa Dios sa pamamagitan niya."

Paano namin naisasagawa ang mga bagay sa pangalan ng Panginoong Jesucristo?

1 Mga Taga-Corinto, 1:10 - Ngayo'y ipinamamanhik ko sa inyo, mga kapatid, sa pamamagitan ng pangalan ng ating Panginoong Jesucristo, na kayong lahat ay mangagsalita ng isa lamang bagay, at huwag mangagkaroon sa inyo ng mga pagkakabahabahagi; kundi kayo'y mangalubos sa isa lamang pagiisip at isa lamang paghatol."

Lubos na pagkakaisa ng pag iisip at isa lamang paghatol upang huwag magkaroon ng pagkakabahabahagi o pagkakampi-kampi ang mga lingkod ng Dios, sa ganitong paraan ay naisasaalang-alang namin ang pangalan ng ating Panginoong Jesucristo. Ang pagboto ay isang pagpapahayag ng paghatol sa mga kandidato kung sino sa kanila ang nararapat. Kaya po nagkakaisa ang Iglesia maging sa pagboto, upang tuparin ang lubos na pagkakaisa .

“vote – an expression of judgment” [Webster’s New International Dictionary]
Sa Filipino:
“pagboto – isang pagpapahayag ng paghatol”

Kaya upang magkaisa sa paghatol o pagboto ang Iglesia, sino ang dapat magpasiya? Sa panahon ng unang Iglesia, papaano ba sila nagkaisa?

Sa panahon ng Iglesia noong unang siglo, ang mga Cristiano ay sumunod at napasakop sa Namamahala. Ang Tagapamahalang Pangkalahatan noon ay si Apostol Santiango. At ito ay pinatutunayan nang magkaroon noon ng usapin o suliranin sa Iglesia at siya ang nagpasiya.

“At nang matapos na silang magsitahimik, ay sumagot si Santiago, na sinasabi, Mga kapatid, pakinggan ninyo ako: “Dahil dito’y ang hatol ko. ay huwag nating gambalain yaong sa mga Gentil ay nangagbabalik-loob sa Dios.” (Gawa 15:13,19)

Ganito rin ang kasalukuyang Iglesia ni Cristo, lubos na aming pinahahalagahan ang pagkakaisa sa napagpasyahan ng pamamahala sa lahat ng bagay maging sa pagboto sapagkat iniutos ito ng Diyos sa pamamagitan ng mga apostol . Mahalaga ang tungkulin ng pamamahala para sa Iglesia sapagkat sila ang ibinigay ng Dios para ipahayag ang mga salita ng Dios ;

Colossians 1:25 "Na ako'y ginawang ministro nito, ayon sa pamamahala na mula sa Dios na ibinigay sa akin para sa inyo upang maipahayag ang salita ng Dios,"

Kaya nga marapat lang na bawat isang kaanib sa Iglesia Ni Cristo ay lubos na magpasakop sa namamahala sapagkat sila ang may pananagutan sa harap ng Dios na mangalaga para sa ikabubuti ng Iglesia;

Hebrews 13:17(Magandang Balita) "Pasakop kayo at sumunod sa mga namamahala sa inyo. Sila'y may pananagutang mangalaga sa inyo, at mananagot sila sa Diyos ukol diyan. Kung sila'y susundin ninyo, magagalak sila sa pagtupad ng kanilang tungkulin; kung hindi, sila'y mamimighati, at hindi ito makakabuti sa inyo."

Maaaring din naman na ang isang kaanib sa loob ng Iglesia Ni Cristo ay hindi sumunod sa kung ano ang naging pasya ng pamamahala at gawin man nya Ito  sa lihim, subalit Hindi sya kailanman makapaglilihim sa Dios, sapagkat nalalaman ng Dios ang lahat ng bagay.

" Sapagka't kung hinahatulan tayo ng ating puso, ang Dios ay lalo dakila kay sa ating puso, at nalalaman niya ang lahat ng mga bagay."
-1 Juan, 3:20

Paano kung ang isang kaanib sa Iglesia ni Cristo ay hindi pa rin sumunod o magpasakop sa Pamamahala sa kabila ng mga payo at paalala sa kanya at sa halip ay nagdudulot pa ng pagkakabahabahagi sa loob ng Iglesia?

1 Mga Taga-Corinto, 5:12-13 - Sapagka't ano sa akin ang humatol sa nangasa labas? Hindi baga kayo nagsisihatol sa nangasa loob? Datapuwa't sa nangasa labas ay Dios ang humahatol. Alisin nga ninyo sa inyo ang masamang tao.

Ang mga masasamang kasama o kaanib ay kailangang itiwalag sa Iglesia upang huwag ng makapagdulot ng pinsala sa loob ng Iglesia sapagkat ang ganitong uri ng tao ay gaya ng ganggrena o isang kanser na kumakalat sa katawan.(2 Timothy 2:17 )

At ang dapat na maging pagtuturing sa kanila ay gaya ng sinasabi ng banal na kasulatan;

2 Juan, 1:10 -11 - Kung sa inyo'y dumating ang sinoman, at hindi dala ang aral na ito, ay huwag ninyong tanggapin sa inyong bahay, at huwag ninyo siyang batiin; sapagka't ang bumabati sa kaniya ay nararamay sa kaniyang masasamang gawa."

Itinuturo ng mga apostol na iwasan at alisin ang mga masasamang kasama sa loob ng Iglesia. Kaya hindi po isang bagong bagay ang pagtitiwalag sa loob ng Iglesia ni Cristo, sapagkat aral din ito na nakasulat sa Bibliya.

Totoo din ba na inaalisan ng kalayaan ang mga Iglesia Ni Cristo sa tuwing kami nagkakaisa sa pagboto?

Sino ba ang mga tunay na malaya ayon na rin sa bibliya?

[Gal.5:1, Ang Bagong Ang Biblia]

" Para sa kalayaan ay pinalaya tayo ni Cristo; kaya't magpakatatag kayo, at huwag na kayong pasakop na muli sa pamatok ng pagkaalipin. "

Ang mga tunay na malaya ay ang mga pinalaya ng ating panginoong Jesucristo mula sa pagkaalipin. Anong pagkaalipin ba ang tinutukoy ng bibliya?

"Sinagot sila ni Jesus, Katotohanan, katotohanang sinasabi ko sa inyo, Ang bawa't nagkakasala ay alipin ng kasalanan." [Juan 8:34]

Samakatwid ang pagkaalipin na tinutukoy ng ating panginoong Jesucristo ay pagkaalipin sa kasalanan at walang sinumang tao ang makakaiwas dito sapagkat lahat ng tao ay nagkasala ayon na rin sa bibliya (Roma 5:12).


Tunay na walang kalayaan ang taong alipin sa kasalanan o nagpapakabuyo sa kalayawan. Kaawa-awa ang kalagayan ng ganitong tao, sapagkat kung ilarawan ng mga apostol ay " bagamat buhay ay patay " [1 Tim.5:6]. Sentensyado na siya sa kaparusahan sa dagat-dagatang apoy. Ganito kung ilarawan ng Biblia ang kalagayan ng mga tao na ginagawa ang lahat ng maibigan nila kahit na ito ay labag sa kalooban ng Diyos at tiniyak din ito ng mga apostol:

" Sapagka't nang kayo ay mga alipin ng kasalanan, kayo'y laya tungkol sa katuwiran. Ano nga ang ibinunga ninyo sa panahong yaon sa mga bagay na ngayo'y ikinahihiya ninyo? sapagka't ang wakas ng mga bagay na yaon ay kamatayan. " [Roma 6:20-21]

Ang kamatayan na tinutukoy sa talata ay hindi ang pagkalagot ng hininga kundi ang ikalawang kamatayan sa dagat dagatang apoy sa araw ng paghuhukom;

Revelation 21:8 -

"Nguni't sa mga duwag, at sa mga hindi mananampalataya, at sa mga kasuklamsuklam, at sa mga mamamatay-tao, at sa mga mapakiapid, at sa mga manggagaway, at sa mga mapagsamba sa diosdiosan, at sa lahat na mga sinungaling, ang kanilang bahagi ay sa dagatdagatang nagniningas sa apoy at asupre; na siyang ikalawang kamatayan."


Napakalinaw ng pahayag ng Biblia na ang mga pinalaya ng ating Panginoong Jesucristo ang siyang TUNAY NA MALAYA sapagkat sila ang pinatawad sa kanilang mga kasalanan at hindi na sila ibibilang sa mga paruruhasan sa dagat-dagatang apoy na siyang ikalawang kamatayan .

Ang kapatawaran ng kasalanan na magpapalaya sa tao sa parusang WALANG HANGGAN ay makakamtan sa pamamagitan ng pagkabuhos ng dugo at maliban dito'y walang kapatawaran:

Hebreo 9:22-

" At ayon sa kautusan, ay halos masasabi kong lahat ng mga bagay ay nililinis ng dugo, at MALIBAN NA SA PAGKABUHOS NG DUGO AY WALANG KAPATAWARAN. "

Subalit sa paniniwala ng marami ang lahat ng tao ay tinubos na ng dugo ng ating panginoong Jesus ng siya ay ipako sa krus at mamatay;

1 Timoteo 2:6-

“NA IBINIGAY ANG KANIYANG SARILI NA PANGTUBOS SA LAHAT; na pagpapatotoong mahahayag sa sariling kapanahunan;”

Wala sinuman ang maaring tumutol sa pahayag ng kasulatan na ibinigay ni Cristo ang kanyang sarili para sa lahat, subalit kaakibat ng ginawang pagtubos ni Cristo sa ating lahat ay mayroon siyang ipinagagawa sa atin upang lubos nating pakinabangan ang katubusan ng ating mga kasalanan;

Juan, 10:7;9 -(Revised English Bible, isinalin mula sa Ingles)

" Muli ngang sinabi sa kanila ni Jesus, Katotohanan, katotohanang sinasabi ko sa inyo, Ako ang pintuan ng mga tupa. Ako ang pintuan; sinumang pumasok sa loob ng kawan sa pamamagitan ko ay magiging ligtas ..."

Sinumang pumasok sa Kawan sa pamamagitan ni Cristo ay maliligtas, sa salitang sinuman ay walang pinipili samakatwid ay lahat ng gustong maligtas ay inuutusang pumasok sa kawan. Alin ang kawan na ito ang dapat pasukan ng lahat ng taong gustong maligtas?

Gawa 20:28 -

“Ingatan ninyo kung gayon ang inyong mga sarili at ang buong kawan na rito’y hinirang kayo ng Espiritu Santo upang maging mga katiwala, upang pakanin ang Iglesia ni Cristo na binili niya ng kaniyang dugo.” [isinalin mula sa Lamsa Translation]

Kaya marapat na pumasok ang tao sa Iglesia ni Cristo sapagkat tanging sa Iglesia lamang makakamtan ang tunay at dakilang kalaayan sapagkat ito ang Iglesiang tinubos ng mahalagang dugo ng ating panginoong Jesucristo.
At upang manatili sa kalayaang kaloob ng ating Panginoong Jesucristo ay ganito ang ipinapayo ng mga apostol;

[Gal.5:1, Ang Bagong Ang Biblia]
" Para sa kalayaan ay PINALAYA TAYO NI CRISTO; kaya't magpakatatag kayo AT HUWAG PASAKOP NA MULI SA PAMATOK NG PAGKAALIPIN. "


Kailangang huwag na muling magpasakop sa pagkaalipin ng kasalanan at katumbas nito ay ang lubos na pagbabagong buhay ng isang kaanib sa Iglesia ni Cristo at kanyang sikaping panghawakang matatag ang katwiran o katotohanan na kanyang tinanggap na Ito rin ang mga salita ng Diyos;

John 17:17 "Pakabanalin mo sila sa katotohanan: ang salita mo'y katotohanan."

Ang pagkakaisa maging sa pagboto ay isa lamang sa mga aral ng Dios na aming sinasampalatayanan upang mapanatili ang lubos na pagkakaisa
sa loob ng Iglesia Ni Cristo.

Maaring kalabisan o kalugihan sa paningin ng ilan ang pagsunod sa mga kautusan ng Dios, inaalis daw kasi nito ang kalayaan ng isang taong magdesisyon para sa kanyang sarili o kapakanan, subalit para sa mga tunay na lingkod ng Dios Ang mga bagay na sa ilan ay pakinabang ay inaari nilang kalugihan tulad ng lingkod na si apostol Pablo.

"Gayon man ang mga bagay na sa akin ay pakinabang, ay inari kong kalugihan, alangalang kay Cristo.
[8]Oo nga, at lahat ng mga bagay ay inaari kong kalugihan dahil sa dakilang kagalingan ng pagkakilala kay Cristo Jesus na Panginoon ko: na alangalang sa kaniya'y tiniis ko ang kalugihan ng lahat ng mga bagay, at inari kong sukal lamang, upang tamuhin ko si Cristo"
—Mga Taga-Filipos 3:7-8—

" AT LALAKAD AKO SA KALAYAAN; sapagka't aking hinanap ang iyong mga TUNTUNIN."
–Awit 119:45–

Ito ay hindi isang kalugihan kundi ay ikapagtatamo ng pangakong buhay na walang hanggan.

"Ang magpaalipin sa katuwiran o kalooban ng Diyos ay hindi isang kaapihan o kalugihan. Sa halip, ito ang ikakabanal ng tao at ikapagkakaroon niya ng buhay na walang hanggan"

[Roma 6:22- NPV].

"Datapuwa't ngayong mga laya na kayo sa kasalanan at naging mga alipin ng Dios, kayo ay mayroong inyong bunga sa ikababanal, at ang wakas ay ang buhay na walang hanggan."

......